ég er búin að eiga dásamlega viku... hæfilega menningarlega með óperutónleikum, leikhúsi, KK tónleikum og leikriti með söngvum frá Sigvalda Kaldalóns.. sæluvikan gekk semsagt bara vel hjá mér... Einnig er ég búin að afreka inn á milli að fara í ræktina og láta Árna Stef gera heiðarlega tilraun til að murrka úr mér lífið.. það tókst ekki og ég stend, doltið skökk kannski og með massastrengi út um allt, afskaplega stolt af mér og ætla meira að segja að leyfa honum að reyna aftur á morgun.  Einnig er ég búin að synda meira en ég hef gert lengi og nýji besti vinur minn er infrarauði sauna klefinn í sundlaug Sauðárkróks... Þar get ég, þegar enginn ónáðar mig þar, hent í disk, farið inn í endalaust mikinn hita og sungið af mér rassgatið... bókstaflega þar sem svitinn rennur af mér þar.. en ég syng samt bara nett, ekkert agalega hátt... þá verður gert grín af mér.. En þó svo að ég hafi verið agalega dugleg að hreyfa mig og allt það þá hef ég líka alveg misst mig í að gera ekki neitt með tilheyrandi vídeóglápi, nammi, snakki og kúri..

Það eru miklar líkur á því að ég sé að fá íbúðina mína í þessari viku.. ég er að manna mig upp í að hringja kurteisissímtal til konunnar sem á hana og spyrja mjög varfærnislega hvenær ég má henda dótinu mínu inn... það er gaman... Einnig er ég orðin 6 lamba stolt móðir en í fyrradag eignaðist ég 6 lömb úr tveimur rollum.. ein fjórlembd og ein tvílembd... ég veit að sumum finnst þetta afskaplega spes fréttir en ég er sveitastelpa og stolt af því.... ;)  ég fer heim um hvítasunnuhelgina til að sinna mínum skyldum sem sveitastelpa auk þess sem ég er að fara að skila Ingimar mínum.. ég á eftir að sakna hans agalega... fyrir utan hvað hann drekkur mikið bensín...

Ég fékk kast í fyrradag og heimtaði að grilla þar sem ég trúi því statt og stöðugt að það sé komið sumar.. ég hentist í að kaupa einnota grill, kjöt og með því og grillaði eins og vindurinn fyrir Palla og Árna Gísla.. þeir voru saddir eftir það, þá heppnaðist það vel...

Í gær var síðan matarklúbbur hjá Palla og Árna og var það alveg hrikalega skemmtilegt enda skemmtilegt fólk í kringum mig hérna... enduðum á miklu pókermóti þar sem ég var ekki lengi að kasta peningunum mínum á glæ frekar en fyrri daginn... Þar með er Páll Rúnar Heinesen Pálsson sigurvegari sexleika starfsmanna Friðar og óska ég honum innilega til hamingju með það.. og bið hann vinsamlegast ekkert að vera að nudda mér upp úr því að ég féll niður í þriðja sætið... ég veit það alveg... 

Halldóra mín á ammli í dag og ég vildi að ég gæti nú séð hana í tilefni dagsins... Til hammó með ammó gamla tutlan mín... 

Þarna er konan mín í herberginu sínu í Bjélkes Allé... það var gaman...

• Í gær ætlaði ég svo sannarlega að sýna taktana mína síðan úr menntaskóla Austurlands í pool...
• ég ætlaði að vippa kjuðanum fyrir aftan bak í takt við lagið og svoleiðis grýta öllum kúlunum mínum niður...
• það gekk ekkert agalega vel....
• ég þrykkti endanum á kjuðanum í hausinn á mér og sit hérna í vinnunni með massakúlu vinstra megin aftan á hausnum á mér...
• auk þess vann palli mig duglega á meðan ég var að strjúka hausnum á mér...
• en ég vann hann samt í skák sem ég er alveg dásamlega stolt af...

Já svona er lífið ótrúlega skemmtilegt þessa dagana... ég er með kúlu á hausnum og í pilsi sem er ekki vinsælt hjá mér í dag þar sem að það er mikill vindur úti... ég bara vil að það sé komið sumar!!!

Ég fékk óvæntar 21 þúsund krónur í gær þar sem Sveitarfélagið er búin að ræna mig síðustu mánuði... í tilefni þess þá fyllti ég Ingimar (bílinn) minn og keypti mér ljósakort og kort í ræktina... já ég er stórtæk þessa dagana..

Litla fallega frænka mín heitir Heiðdís Pála... það er fallegt... það er bara búið að nefna gelluna og var það gert í gær á afmælisdegi Heisa bróðurs... það var gaman..

Jæja, best að skanna inn fleiri myndir af fossum og landslagi og bruna síðan að vinna á Hofsósi...

Aldísin.. endalaust bjartsýn og klaufi með meiru... :)

• ég fattaði þegar flugmaðurinn byrjaði að tala í flugvélinni frá króknum að ég hefði gleymt vegabréfinu mínu í skúffunni í herberginu mínu...
  
• í heila 3 tíma í Reykjavík náði ég að hitta Andrann, einn mann í hvítum nærbuxum, einn heitan kokk (sem er samt frændi minn) og auðvitað Ringuna mína sem skutlaði mér út á flugvöllinn...
• Fólkið á vellinum vildi nú samt alveg fá mig út úr landinu vegabréfslaus... þannig að ég slapp vel í gegn þar..
• ég var í flugvél sem var samansafn af drukknum mönnum og grenjandi börnum.. þá þakka ég fjölskyldunni minni enn og aftur fyrir ipodinn minn sem ég fékk eitt sinn í jólagjöf...
• Ég náði að hitta alla þrjá strákana mína í klukkutíma fyrir svefninn í köben.. þeir voru enn afskaplega sætir og hressir, en ég mátti ekki trufla þá frá heitu dreddastelpunni sem var á drop inn... Hlakka til að hitta ykkur á föstudaginn..... jeeeiiiiiiii!!!
  
• ég fór í llllaaaaanga lestarferð til Aarhus í dag þar sem ég horfði á Im not there sem er kvikmynd byggð á ævi Bob Dylan... hún fær nú ekki margar stjörnur hjá mér svona við fyrstu sýn... Heath Ledger heitinn er nú samt góður í henni og einni Cate Blanchett sem leikur Dylan sjálfan...
  

... semsagt eftir viðburðarríkan sólarhring þá komst ég loks á áfangastað til þessarar konu...
 
Ingibjargar minnar.... :)

Við afrekuðum síðan að horfa aðeins á sex and the city... ætluðum að fara á tónleika en "danska" konan okkar var aðeins of þreytt... haha við elskum þig samt Evan okkar... Þannig að við fórum að borða á Ziggy og síðan fengum við okkum besta ís í geimi...
 
Mmmmmm paradis ís....

Á morgun er síðan planið að versla smá og jafnvel enda á því að fara til köben.. við verðum í íbúð upp í Norrebro sem er einmitt okkar hverfi og þar er dásemd að vera... Mottóið okkar er að plana ekkert en samt sem áður er gott að hafa eftirfarandi tékklista í bakhöndinni:

• Borða á Jensens bofhus
• Borða á Kalaset
• Brunch á á Café Castro
• Nachos á Rauða hundinum
  
• Borða á Salonen
• Kokteilar á Apparatet
  
• fleiri kokteilar á Apparatet
• Fara á Rust
• Kíkja á Moosinn
• Kíkja á Vito og fá smá pitsu hjá honum...
• uhm...  já ætli þetta sé ekki bara komið...

Vilhjálmur Vilhjálmsson
1945-1978

Vilhjálmur Hólmar Vilhjálmsson fæddist þann 11. apríl 1945 í Merkinesi í Höfnum á Suðurnesjunum og ólst þar upp, yngstur í hópi fimm systkina. Á uppvaxtarárum sínum var Vilhjálmur allajafna kallaður Hólmar. Faðir hans var Vilhjálmur Hinrik Ívarsson, var þekktur harmonikuleikari og söngmaður.

Tónlistarhæfileikarnir leyndu sér ekki hjá dótturinni Eldey, sem ávalt var kölluð Elly, og varð hún þjóðkunn söngkona löngu á undan Vilhjálmi. Tónlistarhæfileikar Vilhjálms komu þó fljótlega í ljós en sjálfur hafði hann ekki mikla trú á þeim hæfileikum né heldur að tónlistarbrautin ætti fyrir honum að liggja. Eftir að hafa lokið gagnfræðaprófi frá Keflavík og síðan Landsprófi frá Laugavatni með viðkomu á Ísafirði einn vetur, hélt Vilhjálmur til náms í Menntaskólanum á Akureyri árið 1961.

Þar spurðist út að bróðir Ellyar, sem þá var orðin landsfræg, væri við nám í skólanum og því töldu meðlimirnir í hljómsveitinni Busabandinu að hann væri góður kostur sem söngvari sveitarinnar. Eftir fortölur lét Vilhjálmur til leiðast og hóf að syngja með þeim. Þar varð hann einnig að læra á kontrabassa sem hann gerði með hraði.

Um tíma var Þorvaldur Halldórsson einnig með sömu hljómsveit en hætti þegar hann fékk stöðu í Hljómsveit Ingimars Eydal, sem þá var frægust sveita norðan heiða. Vilhjálmur fylgdi á hæla Þorvaldar og hóf að syngja með Ingimari árið 1965, um líkt leyti og hann lauk námi við Menntaskólann.

Í september 1965 gerði Ingimar Eydal samning við Svavar Gests um útgáfu á tveim hljómplötum með sveitinni og var haldið suður til Reykjavíkur þar sem hljóðrituð voru ein átta lög til útgáfu, auk þess sem tækifærið var notað og spilað í Glaumbæ við góðar undirtektir. Var þetta í fyrsta sinn sem Hljómsveit Ingimars Eydal lék í höfuðborginni. Fyrri hljómplatan kom út í október 1965 og hefur að geyma fyrstu lögin sem þrykkt voru á plast með söng Vilhjálms. Þegar seinni platan kom út í febrúar 1966 var Vilhjálmur hættur með Hljómsveit Ingimars Eydal. Hann hafði afráðið að halda í Háskóla Íslands til frekara náms. Nokkur þeirra laga sem Vilhjálmur söng inn á plöturnar í Reykjavíkurferðinni með Ingimar Eydal eignuðust sess í hjörtum landsmanna um leið og þau komu út. Má nefna lögin Litla sæta ljúfan góða, Raunasaga og Vor í Vaglaskógi, öll sungin af Vilhjálmi Vilhjálmssyni, auk laga eins og Á sjó og Hún er svo sæt, sem Þorvaldur Halldórsson söng.

Vilhjálmur hafði munstrað sig í Lagadeild Háskólans en skipti þó fljótlega yfir í læknisfræði. Hann hafði eignast son 1963 með fyrstu konu sinni og vegna þess og ekki síður vegna námsins varð hann að afla tekna. Þegar Magnús Ingimarsson fyrrum meðlimur hljómsveitar Svavars Gests stofnaði hljómsveit undir eigin nafni í ársbyrjun 1964, fékk hann Vilhjálmi fasta stöðu og nokkuð öruggar tekjur þar sem Hljómsveit Magnúsar Ingimarssonar var fastráðin á veitingahúsinu Röðli og lék þar öll kvöld vikunnar, auk þess að koma nokkuð reglulega fram í skemmtiþáttum Svavars Gests í Ríkisútvarpinu.

Hljómsveitin lék mest kántrýskotna erlenda slagara með íslenskum textum en þessi tónlist var Vilhjálmi mjög að skapi á þessum tíma og má segja að Vilhjálmur sé allt að því frumkvöðull í flutningi slíkrar tónlistar hér á landi. Nokkur þessara laga komu út á 45 snúninga plötum, en eftir að Vilhjálmur lést kom breiðskífan Fundnar hljóðritanir, sem hefur að geyma hluta þess efnis sem hljómsveitin lék í áðurnefndum skemmtiþáttum Svavars Gests. Eftir að sjónvarpið hóf göngu sína 1966 kom Hljómsveit Magnúsar Ingimarssonar þar fram í nokkur skipti ásamt aðalsöngvara sínum, Vilhjálmi Vilhjálmssyni.

Tónlistargyðjan krafðist sinna fórna af Vilhjálmi eins og svo mörgum fyrr og síðar. Hann hætti læknanámi eftir tveggja ára nám, hjónabandið rann sömuleiðis út í sandinn en tónlistin varð aðalatvinna Vilhjálms árið 1967.

Þó svo Vilhjálmur væri af bítlakynslóðinni í aldurslegu tilliti, fæddur um líkt leyti og t.d. Gunnar Þórðarson og Rúnar Júlíusson sem leitt höfðu íslenska bítlatónlist undir merkjum Hljóma, var hann á öðru tónlistarróli en þeir.
Vilhjálmur virtist falla eldri áheyrendum vel í geð og reyndar styrkti hann þá stöðu sína enn frekar þegar SG hljómplötur gaf út plötuna Systkinin Vilhjálmur og Elly syngja saman, árið 1969. Þetta gerðist á sama tíma og frumlegheitin hertóku poppið með stofnun Trúbrots, og víkkaði enn tónlistarbilið milli Vilhjálms og samtímamanna hans. Þessi plata þeirra systkina var fyrst fjögurra platna sem þau unnu saman og út komu á næstu þremur árum. Önnur innihélt lög Sigfúsar Halldórssonar, sú þriðja lög Freymóðs Jóhannssonar, sem kallaði sig 12. september, og loks jólaplata. Allar náðu þessar plötur miklum vinsældum.

Um mitt ár 1970 fluttist Vilhjámur búferlum til Lúxemborgar eftir að hafa lokið flugnámi. Þar dvaldist Vilhjálmur næstu árin en skrapp þó heim í frí og var þá tækifærið notað og sungið inn á plötur. Þannig var nafni hans haldið á lofti með tveimur tólf laga LP plötum, Glugginn hennar Kötu (1972) og Fundnar hljóðritanir (1973) ásamt tveimur smáskífum.

Árið 1974 urðu enn ein kaflaskil í lífi Vilhjálms er hann kynntist þriðju konu sinn og fluttist heim til Íslands á ný og settist að í Hafnarfirði. Í febrúar 1975 opnaði fyrsta alvöru upptökuhljóðver landsins. Meðal þeirra fyrstu sem þar tóku upp var hljómsveitin Mannakorn, sem var að gefa út sína fyrstu plötu. Þeir hóuðu í Vilhjálm sem söng inn á plötu þeirra. Sú tækni sem fjölrásahljóðverin bjuggu yfir, það er að geta hljóðritað söng eða undirleik aftur og aftur, heillaði Vilhjálm. Hann ákvað því að gera stóra plötu og fékk valda samtíðarmenn til að semja lög við ljóð Kristjáns frá Djúpalæk. Úr varð platan Með sínu nefi, sem út kom á merki Fálkans árið1976. Með þeirri plötu hófst samstarf Vilhjálms og Magnúsar Kjartanssonar, en sá síðarnefndi var meðlimur hljómsveitarinnar Júdas sem síðar stofnaði samnefnt útgáfufyrirtæki. Vilhjálmur varð síðar meðeigandi þess ásamt Magnúsi og Jóni Ólafssyni, en það fyrirtæki þróaðist í Skífuna löngu seinna en það er önnur saga.

Næsta verk Vilhjálms var platan Hana nú, sem kom út sama ár og enn steig Vilhjálmur skref fram á við því nú voru textarnir allir hans eigin smíð. En platan var vart komin í búðarhillurnar þegar Vilhjálmur hóf að huga að næsta verki. Hann ætlaði að syngja nokkur gömlu laganna sinna inn á nýjan leik og nýta sér þá tækni sem hann hafði heillast af og fjölrása hljóðverið í Hafnarfirði bauð upp á. En honum entist ekki aldur til að hrinda þessum fyrirætlunum í framkvæmd, því meðan verkið var á byrjunarstigi lést Vilhjálmur í sviplegu umferðarslysi í Lúxemborg þann 28. mars 1978, þar sem hann var við störf á vegum Arnarflugs.

Segja má að Vilhjálmur hafi blómstrað allan sinn feril, en eftir fráfall hans hafa lögin tekið við því hlutverki. Vilhjálms er og mun verða minnst sem eins ástsælasta söngvara dægurlagasögu Íslands.

Tekið af tonlist.is

í dag á Elsa Arney frænka afmæli... hún er alveg 25 ára gömul og óska ég henni til hamingju með daginn..

Þarna er í fyrsta skiptið sem ég man eftir henni... mér leist ekkert á allt þetta hár á hausnum á henni... þeir sem taka ekki eftir svipnum þá er ég stóra sköllótta tröllið við hliðinni á henni...

Á morgun á hann Jón Rafnar minn afmæli...

Þetta er fyrsta myndin sem ég tók af Rabz... á Hamletsgötunni dásamlegu í ágúst 2006... síðan þá hef ég tekið ófáar myndir af manninum... misfallegar samt... Til hamingju með ammlið Rabbi minn.. vildi að ég væri úti hjá þér að skála með þér á músnum og ræða æfingartíma og borða síðan agalega þynnkupitsu daginn eftir og horfa á family guy... ohh... jæja... ég sé þig eftir smástund..

Annars er lífið bara eins og venjulega.. er að komast í stuðið eftir páskaát og páskasvefn og páskaegg... Nú bíð ég bara spennt eftir 8. apríl þar sem ég mun fljúga til Danmerkur, fara í extreme makeover hjá Evu minni, hanga með Ingibjörgu og gera akkúrat ekki neitt og fara í háogemm.... fara síðan til Köben og hitta þar drengina mína og mála bæinn rauðann... og Rafnar.. við erum að fara á Apparat og þú kemur með!!!!!  það verður ágætt...

Fariði vel með ykkur rýjurnar mínar..

p.s. er að hugsa um að halda afmælisteiti í borg óttans þann 19. apríl.. er einhver geim???

samviskan var farin að naga mig um að ég væri ekki búin að blogga í meira en viku... síðan mundi ég að það eru voða fáir sem skilja eftir ummerki á þessari síðu.. en maður má alltaf vona...

• Um þarsíðustu helgi var singstar teiti hér á bæ... það er skemmst frá því að segja að ég og Helga Kristín fórum á kostum og fengu hvað eftir annað "superstar"... þangað til við vorum beðnar að lækka í okkur...
• Daginn eftir fór ég og tók myndir af gullfallegum stúlkum út um allan Skagafjörð og er dásamlegt að vera byrjuð að mynda aftur...  það er hægt að sjá afraksturnn inn á http://www.flickr.com/photos/aldisin

• Vikan var mest öll tekin í vinnu og meiri vinnu... fimmtudagurinn fór síðan í dásemdarveikindi... þakkir fær Heinesen fyrir að hafa farið í skíðaferð fyrir mig...
• ég setti fyrsta frumsamda lagið mitt inn á mæspeis... ég er afskaplega stolt af þessu litla lagi enda búin að vera ágætlega lengi að koma því frá mér... endilega tékkið á því... www.myspace.com/aldisfjla
• SAMFÉS Festivalið var síðan um helgina og við fórum með slatta af krökkum þangað... alveg hrikalega gaman, lítið sofið, mikið unnið, slatti keyrt en komum öll heim nokkuð heil... :)
• Dagurinn í dag er síðan bara búinn að vera rólegur... annars er búið að vera mikið af giggum og rosalega mikið af battlum... já bransinn getur verið harður á stundum...búin að vera svona að djamma með Pearl Jam. ZZ top og fleiri góðum gæjum í dag... vann síðan djöfulinn í battle og hann var ekki sáttur kallinn..  

Já það er ótrúlegt hvað ég er góður gítarleikari eftir að hafa rústað Guitar hero í dag... Nú þarf ég bara að fá frístundadeildina til að kaupa annan GH leik til að ég fái nú ný lög.... ;)

Annars er lítið að frétta nema kannski að ég ætla til Danaveldis í byrjun apríl... ég get bara ekki verið svona lengi frá Ingibjörgu frænku... haha... hlakka til að sjá ykkur öll þarna úti...

Endilega látið mig vita ef einhver skoðar þessa blessuðu síðu lengur...

Hrútur: Það er ekki alltaf þægilegt að vera minntur á sína góðu kosti. Það þarfnast æfingu að taka hóli á réttan hátt og þú færð tækifæri til þess í dag.

Helgin er búin að einkennast af vinnu og meiri vinnu... já og svefni og miklu áti þar á milli...

Ég skrapp í skautaferð með félókrökkunum til Akureyrar á föstudaginn síðasta og það var heljarinnar skemmtun. Ég og Silla gátum verið í heila tvo tíma á skautasvellinu án þess að detta.. þó að sumir hafa reynt sitt besta í að sjá til þess að ég myndi detta.. Líklega þýðir þetta að ég sé orðin ágæt á skautum... jei!! Þegar við komum heim fórum ég og Sillan á útideild sem var gríðarlega hressandi og skemmtileg...

Á laugardeginum vann ég í blómabúðinni enda með afskaplega græna fingur.. um kvöldið var að sjálfsögðu horft á Eurovision úrslitin og var ég bara nokkuð sátt við úrslitin... ég hefði verið sátt við hvaða lag sem er fyrir utan hey hey hey sem var alveg afskaplega illa sungið í keppninni... Þrátt fyrir það finnst mér ummæli Friðriks Ómars alveg hrikalega asnaleg og lækkaði hann gríðarlega í áliti hjá mér ( og ekki er álit mitt á honum mikið fyrir... ) En This is my life á líklega eftir að sóma sér vel þarna úti.. Þannig að fínt kvöld, mamma mín var stórglæsileg í sjónvarpinu og litli stóri bróðir minn stóð sig glæsilega eins og alltaf.. agalega stolt lítil systir hérna megin.. haha...  Eftir Eurovision var síðan skundað í útivakt með Pallanum og eins og alltaf alveg gríðarlegt stuð í starex...

Konudagurinn í dag skiptist á skin og skúrum.. ég vann í blómabúðinni sem er ekkert hollt fyrir einhleypa konu á konudeginum... en ég lifði þessa 4 tíma af og eftir þá hef ég eiginlega bara verið að borða... Sillan bauð mér á Ólafshús, Heisi bróðir bauð mér heim í dásamlegan mat og til að toppa allt kom Árni Gísli minn með þessa dásamlegu súkkulaðiköku heim til okkar.. Sú súkkulaðikaka er betri en flest allar sem ég hef smakkað og vil ég þakka honum Árna fyrir að muna eftir okkur á konudeginum... þvílíkt yndi..

Núna sit ég heima hjá Heiðari og horfi á óskarsverðlaunin... ég er ákveðin í því að vaka þar til þau eru búin þó ég sitji hér ein og þurfi að lemja mig á nokkurra mínútna fresti... já ég er þrjósk... Gaman að skjóta því að að það er um það bil eitt og hálft ár síðan ég sat einmitt í Kodak leikhúsinu á fremsta bekk þar sem Jack Nicholson situr núna... jahá... ég hef komið víða..

Engar myndir núna en þær koma... finnst eins og ég hafi verið að ofdekra ykkur í myndum  þannig að ég vona að þið hafið nennt að lesa þetta :)

OG að lokum:
Elsku Guðbjörg mín, til hamingju með engilinn þinn.. vonandi get ég komið og dáðst að henni bráðum..

Hrútur: Bestu mögulegu lífsaðstæður verða fyrst til í höfði þínu, og seinna í raunveruleikanum. Láttu draumana ná tökum á þér í dag og boltinn byrjar að rúlla.

Jæja, mín er komin aftur í sveitina og er komin með nóg af Reykjavík í bili.. þetta var dásamleg ferð og ég hitti alveg massamikið af fólkinu mínu.. alveg hreint dásamlegt..

ég var líka alveg hrikalega menningarleg og fór tvisvar í bíó og einu sinni í leikhús... ég semsagt náði að sjá Brúðgumann í bíó og Ívanov í leikhúsi en það er leikritið sem Brúðguminn er byggður á. Sama kast í báðum stykkunum og fara þau á kostum í þeim báðum. Leikritið fannst mér betra og Hilmir Snær er og verður minn uppáhalds leikari... með fleirum, en hann bara er snillingur á sviðinu...

Hilmir Snær og Ólafur Egill í Ívanov

Ég skrapp líka með Belindu minni á Into the wild í bíó... Ég var einstaklega hrifin af henni og mæli með því að allir fari á hana.. þvílíkt meistaraverk... ég alveg hló og grét til skiptis og var hugsi alveg hrikalega lengi eftir hana... Einnig sannaði Eddie Vedder enn og aftur að hann er tónlistarsnillingur með því að syngja eins og honum einum er lagið.. Ein besta sannsögulega mynd sem ég hef séð...

Emile Hirsch aðalleikari og Sean Penn við tökur á Into the wild...

Ég náði líka að éta heil ósköp í Reykjavík og þakka ég öllum sem nenntu að koma með mér að borða fyrir það... hehe...Ég hitti m.a. Kollu mína sem ég hef ekki hitt í svona 6 ár held ég... það er allavega agalega langt síðan og það var dásamlegt að hitta hana aftur... við fórum á Tapas barinn þar sem ég er fastagestur... haha ég næ alltaf að draga alla þangað... Takk fyrir mig Kolla mín!!

Kolla og vinur hennar fyrir framan Tapas...

Semsagt, massavika í Reykjavík og þakkir til allra sem skutluðust með mig til og frá... alveg bestu þakkir fær hann Þórður Ingi fyrir allt skutlið og gistinguna...

Ég og Þórður Ingi á massagóðri stund...

Nú tekur bara við að slaka á í sveitinni og kúra með Gumma bangsa.. hann er búinn að sakna mín agalega og er afskaplega brjálaður að hann fékk ekki að koma með...

Auðvitað má ég ekki gleyma henni Ingibjörgu minni sem átti ammli þann 19. febrúar... hún er úti í Árhús og ég sakna hennar massamikið.. og hún er auðvitað ammlisbarn mánaðarins.. hlakka til að eyða mest öllu sumrinu með þér kella...

Við erum bara of laglegar saman.. þess vegna búum við í sitthvoru landinu núna..